今日係粤语专场~~

呢排全世界嘅财经版都被同一条新闻洗版：95岁嘅股神巴菲特，喺旧年最后一日，正式卸任伯克希尔嘅CEO。个个标题都话“时代终结”、“投资界地震”，“中惨过世界末日”。伯克希尔真係变天？其实个天根本就冇郁过。真正要变嘅，係我哋谂钱个脑啰。

首先你哋有冇睇清楚份公告？巴爷爷只係唔做CEO，但董事长个位仲坐得稳稳阵阵，而且讲明多数时间都会返办公室“坐镇”。即係阿爷话退休，但每日仲喺厅中间张大师椅度饮紧茶。而新上任嘅CEO阿贝尔，每一单大买卖，真係可以当阿爷透明咩？呢个所谓交棒，根本就係一场“爷孙共治”嘅大戏预演。

好啦，入正题~~真正嘅火药库唔係个位，係个“荷包”。知唔知伯克希尔而家手揸几多现金？超过三千八百亿美元，创咗历史新高。呢个数，大到可以买起成个港股一堆蓝筹。过去几十年，市场当呢旧钱係巴菲特嘅“秘密核弹”，信心爆棚。而家粒核弹个发射掣交咗俾新后生，成个游戏规则即刻唔同晒。所以，阿贝尔面对嘅，根本唔係“能否成为第二个股神”呢种虚名，而係一场“用钱压力测试”。

美股而家贵到飞起，你叫佢点样将四千亿银纸係合理价位变成优质资产？呢个先係“后巴菲特时代”嘅真正开幕。市场有几惊？睇股价就知啦~~

交棒后第一个交易日，伯克希尔股价就逆市跌咗超过1%，市值冇咗过百亿美金。投资者用真金白银话你知，佢哋唔放心个新揸fit人。

讲开又讲伯克希尔自己只股票，而家仲抵唔抵买？客观从市场数据睇，好有嫌疑~佢而家市盈率大概16倍左右，听落好似唔贵？但你要明白，以前呢个溢价，市场係为“巴菲特”三个字买单。而家呢三个字褪咗啲色，个溢价仲存唔存在呢？公司规模好大，增长就好慢，假如阿贝尔头几次大交易失败，股价跌三成都有可能。如果你而家冲入去，分分钟係帮人哋高位接货。

你地封巴爷爷系偶像，又知唔知人地最犀利嘅一招係乜？係佢几乎零成本嘅保险浮存金（指保险公司预先收取咗保费，係赔付之前可以用黎投资嘅资金池），差不多相当于係无限子弹喺度使。阿贝尔继承到呢个“印钞机”吗？暂时睇，保险业务呢个水喉仲係好稳阵，所以伯克希尔条护城河未干，只係而家换个年轻啲嘅将军去守。佢最聪明嘅做法，唔係即刻带兵出去打江山，而係先睇实自己个金山银山先。

睇到呢度，要回归翻个标题重点~~“关你叉事？”首先伯克希尔点样使呢旧钱，会直接影响全球资金嘅流向。如果佢狂买某个板块，成个行业都可能会被炒起~其次如果佢揸住咁多钱都揾唔到好项目，你话全球股东会唔会拍台问：係唔係应该破天荒派次息啊啦？重点来了，一旦佢开咗呢个口，全世界嘅价值股游戏规则都要改过。

咁我哋要做咩？可以做咩？

第一就係唔好跟风，而係要识得睇住庄家只牌，喺变局之中执自己嘅筹码。讲到底，今次事件教我哋最珍贵嘅一课就係：千祈唔好将一间公司嘅生死，全部押注喺一个人身上，就算佢係神。企业长命嘅秘诀，在于制度同可以自己生钱嘅业务。巴菲特自己都讲过，伯克希尔係佢所知最有可能一百年后依然存在嘅公司。佢睇重嘅，从来都唔係个人，而係套制度。

第二与其担心冇咗巴菲特点算，不如检查下自己个投资组合：係唔係都过度崇拜紧某个大神，或者死揸住某个概念唔放？

最后，如果你硬係要喺呢场大龙凤里面揾啲着数，以下几隻棋你可以放入个“监视名单”度，记住，係叫你先睇，唔係叫你奋身。

1.伯克希尔B类股（BRK.B）。佢升定跌，就係新管理层成绩表。

2.佢嘅“亲生仔”：如果阿贝尔决定先守业，苹果（AAPL）、美国运通（AXP）、可乐（KO）、美国银行（BAC），短期应该最稳阵。

3.阿贝尔的“老本行”，他自身是搞能源和基建出身，如果伯克希尔的巨资最终投向这类领域去并购，唔使画公仔画出肠了吧。

4.留意佢啲重仓股同相关行业ETF。

啦~巴爷爷係行远咗，但佢留低嘅四千亿美金呢个科目，先啱啱开始派卷。我哋要睇嘅，係公司年报里面每一行冷静嘅数字。个天从来都係慢慢光，你，训醒没？

数据来源：证券之星、澎湃新闻、证券时报、财联社。。。